НАГАБИ ПРЕМЕНКОХ

НАШ ПРОГРАМ

За пременки,
транспарентносц
и фахово особи!

  1. За образованє

    Робиц на затримованю вибудованих образовних капацитетох и їх ширеню на места дзе су страцени або нє исновали. Робота на звекшованю числа дзецох записаних до оддзелєньох по руски и информованє заєднїци, окреме у мишаних стредкох о можлївосци ученя руского язика як виборного предмета зоз елементами националней култури. Потребне континуовано робиц на информованю родичох.

  2. За културу

    Водзенє културней политики муши буц одвичательне и розвойне. Муши ше допатрац, пестовац здобуте и розвивац, будовац нове. Национални совит у сотруднїцтве зоз установами защити памятнїкох култури муши иницировац обнавянє занєдзбаних обєктох од велькей вредносци за Руснацох, односно муши охранїц нєрухоми културни скарб: Робиц на ришованю статусу руского народного театру єдиней нашей институциї хтора нє ма порядне финансованє;

  3. За информованє

    Медиї по руски муша остац шлєбодни и нєзависни. Гражданє у местох дзе жию Руснаци треба же би були на час, цалком, правдиво и точно информовани як ше троши пенєж з їх буджету, яки стан еколоґиї, яку воду пию и яки плани ґаздованя локалних власцох. Врациц до рускей заєднїци диялоґ, толеранцию ґу становиском и пристойну бешеду. Як найважнєйше у одбрани шлєбоди информованя и достоїнства новинарох, наша заєднїца муши застановиц кажди прицисок на руских новинарох.

  4. За хаснованє язика и писма

    Едукация припаднїкох нашей заєднїци о правох на хаснованє язика и писма. Подзвигованє свидомосци о праву хаснованя рускей вариятни мена и презвиска у особних документох.

  5. За младих

    Млади нє шму буц у фокусу лєм пред виберанками. Вони будуци креаторе културней и образовней политики Руснацох. Їх енерґия важна за активне и динамичне функционованє нашей заєднїци.

  6. За науку

    Повязованє Руснацох, универзитетских и наукових роботнїкох. Креированє заєднїцких проєктох на хасен заєднїци. Даванє фахових совитох за ришованє ключних проблемох у заєднїци.